მარტივი სავარჯიშოების წელისა და ზურგის გასამაგრებლად
უმეტესობა ჩვენგანმა კარგად იცის რა არის ზუსრგის ტკივილი. დატვირთული დღის ბოლოს ზურგის, კისრისა და წელის არეში ტკივილისა და დაღლილობის შეგრძნება თითქოს ნორმალური ყოველდღიურობაა, რომელსაც ისე მივეჩვიეთ, რომ ვერ ვაცნობიერებთ რამდენად სავალალო შედეგებამდე შეიძლება მივიდეთ - სქოლიოზი, ოსტეოქონდროზი, ართროზი, რევმატიზმი, რადიკულიტი, ლუმბაგო, ნევრალგია…
ზემოთ ჩამოთვლილი დაავადებების თავიდან არიდება დასაწყისშივე შესაძლებელია, თუ რამოდენიმე მარტივ ვარჯიშს შეასრულებთ ყოველდღიურად. ჩვენ გთავაზოვთ ზურგისა და წელის გასამაგრებელ დავალებებს, რომელთა შესრულებაც მარტივად შესაძლებელია ადგილზე, ყოველგვარი აღჭურვილობის გარეშე.
ვარჯიში 1:
დაწექით ზურგზე, მოხარეთ მუხლები და დაეყრდენით ზურგსა და ქუსლებს.
წელი რამდენჯერმე აწიეთ და ჩამოწიეთ.
ვარჯიში 2:
დაწექით ზურგზე, მოხარეთ ცალი ფეხი და ორივე ხელით მოიზიდეთ შუბლისაკენ.
ასეთ პოზაში დაყავით, შეძლებისდაგვარად ხანგრძლივად. იგივე გაიმეორეთ მეორე ფეხზეც.
ვარჯიში 3:
დადეწით მუხლებზე და დაეყრდენით ხელებს. აწიეთ მარჯვენა ხელი და მარცხენა ფეხი, ეცადეთ შეინარჩუნოთ წონასწორობა.
ფეხი და ხელი ერთ სიმაღლეზე გააჩერეთ და აწიეთ თავი ოდნავ. როგორც კი წონასწორობას შრინარჩუნებთ,
ხელის მტევანი მოხარეთ გარე მხარეს, ფეხის ტერფი კი შიდა მხარეს. იგივე გაიმეორეთ საპირისპიროდ.
ვარჯიში 4:
დაწექით ზურგზე, მოხარეთ მარჯვენა ფეხი და მარცხენა ხელი მოკიდეთ მუხლს გარე მხრიდან, თავი ოდნავ წამოწიეთ.
დაჭიმეთ სხეული და ასე დაყავით რამოდენიმე წამი. იგივე გაიმეორეთ საპირისპიროდ.
ვარჯიში 5:
ეს ვარჯიში შეგიძლიათ დღის განმავლობაში რამდენჯერმე გაიმეოროთ, თუ ზიხართ ან დგახართ.
მოგიხსნით კისრის დაჭიმვას და თავის ტკივილის. დადექით სწორად, ერთი ხელი ჩამოუშვით, მეორე კი
გადმოატარეთ თავს ზემოთ და მიაწექით ფრთხილად. იგივე გაიმეორეთ მეორე მხარეს.