ბრტყელტერფიანობა ბავშვებში
ბტყელტერფიანობა ბავშვებში ადრეული ასაკიდან უნდა დადგინდეს, რადგან ეს პრობლემა შესაძლოა სხვა ბევრად რთული დაავადებების წინაპირობა გახდეს. ტერფზე არსებული პრობლემები ხშირად ხდება საყრდენ-მამოძრავებელი დაავადების გამომწვევი მიზეზი, ამიტომ აუცილებელია, რომ მშობლებმა ბავშვის ტერფის განვითარებას თავიდანვე მიაქციონ ყურადღება. ტერფის თაღი ჩამოყალიბებას 2-3 წლის ასაკში იწყებს. ბრტყელტერფიანობის დიაგნოსტიკა კი 4-5 წლის ასაკში უკვე შესაძლებელია. თუმცა, პრევენციის მიზნით, ორთოპედთან ვიზიტი სასურველია განხორციელდეს დაბადებიდან მესამე თვეს.
ბრტყელტერფიანობის სიმპტომები ბავშვებში
ბრტყელტერფიანობას ახასიათებს დაღლა და ტკივილი ტერფის არეში. ხშირად ტკივილი წელსაც გადაეცემა და იწვევს ზურგის არეში დისკომფორტს. გარდა ამისა, ბავშვები ადვილად იღლებიან თანატოლებთან შედარებით და უჭირთ სპორტული აქტივობების გაკეთება. ბრტყელტერფიანობის სიმპტომებია ბავშვებში:
● ქვემო კიდურების ტკივილი;
● დატვირთვისას ადვილად დაღლა;
● რევმატული დაავადებები;
● ტერფის სხვა პათოლოგიები;
● ხერხემლის და წელის არეში ტკივილი.
რა იწვევს ბრტყელტერფიანობას ბავშვებში?
ბრტყელტერფიანობა შესაძლოა უკავშირდებოდეს მემკვიდრეობას, სპორტულ დატვირთვას, სქოლიოზს, რევმატულ დაავადებებსა და ტერფის სხვა პათოლოგიებს. ბავშვებში ბრტყელტერფიანობის გამომწვევი მიზეზებია:
● ტერფის სხვადასხვა ხასიათის ტრავმა - მოტეხილობა, მყესების გაგლეჯა, ღრძობა;
● რაქიტი - ამ დროს დარღვეულია ძვლოვანი ქსოვილის მინერალიზაცია. მეტატარზალური ძვლები რბილდება, რაც ხელს უწყობს ბრტყელი ტერფის ჩამოყალიბებას.
● ტერფის გადატვირთვა - ჭარბი წონა, მძიმე ფიზიკური დატვირთვა და არა შესაფერისი ფეხსაცმლის ტარება ბრტყელტერფიანობის განვითარების რისკ-ფაქტორებია.
ბრტყელტერფიანობის მკურნალობა ბავშვებში
ბრტყელტერფიანობის მკურნალობა ბავშვებში სხვადასხვა მეთოდით მიმდინარეობს. თანამედროვე მედიცინაში აქტიურად იყენებენ ორთოპედიულ სუპინატორეს. ის უზრუნველყოფს თაღის კორექციას, ტერფზე ზეწოლის თანაბრად გადანაწილებას, შესაბამისად, პრობლემები, რომლებიც ტერფის არასწორი ფუნქციონირებით არის გამოწვეული, კორექტირდება. ასევე ეფექტურია მისი ტარება ისეთი მდგომარეობებისა და აქტივობების დროს, როგორიცაა - სპორტული და პროფესიული დატვირთვა, ორსულობა, სქოლიოზი, რევმატული დაავადებები და ტერფის სხვა პათოლოგიები. მას აქვს როგორც სამკურნალო, ასევე საპროფილაქტიკო დანიშნულება. გარდა მყარი და სილიკონის სუპინატორებისა, კომპანია “ახალი ხედვა” მომხმარებლებს ინდივიდუალური სუპინატორების დამზადების სერვისსაც სთავაზობს. ტერფზე არსებული ნებისმიერი პრობლემის დროს მისი ტარება, რა თქმა უნდა, ბევრად ეფექტურია, რადგან მაქსიმალურად ზუსტად ერგება ყოველი პაციენტის ინდივიდუალურ საჭიროებას.