ხერხემლის წელის კორსეტების გამოყენება
ხერხემლის წელის კორსეტი გამოიყენება: ხერხემლის პოსტოპერაციულ, პოსტრავმულ პერიოდებში, დეგენერაციული პროცესების დროს, როგორიცაა:
- ხერხემალზე ოპერაციული ჩარევის შემდგომ;
- ოსტეოპოროზის ინდექსის მაღალი მაჩვენებლისას დამატებითი სტაბილურობისთვის;
- ხერხემლის მოტეხილობების დროს, რომლებიც არ საჭიროებენ ოპერაციულ ჩარევას, ხერხემლის სტაბილიზაციის და შეხორცებითი პროცესის დაჩქარების მიზნით;
- ხერხემლის არასტაბილურობის დროს;
- ხერხმლის სახსარშიდა ანთებითი პროცესების დროს;
- რადიკულოპათის, ფიზიკური დატვირთვისა და ძლიერი ტკივილის დროს.
ხერხემლის კორსეტების დანიშნულება:
- მექნიკური მხარდაჭერა;
- ასუსტებს ზეწოლას მალებზე;
- ზრდის ხერხემლის სტაბილურობას;
- ამცირებს ტკივილს;
- ხელს უწყობს შეხორცებით პროცესს;
- გააჩნია პარავერტებრული კუნთოვანი, მყეს-იოგოვანი სიტემის დამხმარე ფუნქცია და ა.შ.
წელის კორსეტის ტარების ხანგრძლივობა:
- ტკივილის მწვავე ფაზა (რადიკულიტი, დისკის თიაქარი, ძლიერი ტკივილი, სასახსრე მორჩების ანთებითი პროცესი- არასტაბილურობის გამო)
- არასტაბილურობის დროს ფიქსაცია კორსეტის დახმარებით ამცირებს ანთებით პროცეს;
- გამოიყენება დღეში 2–4 საათით – ძირითადად, სიარულის, მოძრაობის ან ტვირთის აწევის დროს;
- კორსეტი უნდა მოიხსნათ მხოლოდ დასვენებისას (საწოლში, წამოწოლილ პოზიციაში).
პოსტტრავმული ან პოსტოპერაციული პერიოდი:
- ექიმის მითითებით შეიძლება 6–8 საათამდე დღეში, მაგრამ მაინც შეზღუდულად.
- ჩვეულებრივ, 4–6 კვირის შემდეგ ხანგრძლივი ტარება ნელ-ნელა მცირდება.
- პროფილაქტიკის მიზნით (მძიმე შრომა, სპორტი, ტვირთის აწევა) იცმევა მხოლოდ აქტივობის დაწყებამდე და მის დროს, ანუ რამდენიმე საათით. დამთავრებისთანავე უნდა მოიხსნათ კორსეტი.
- გრძელი ჯდომის ან მგზავრობისას - გამოიყენება მხოლოდ მგზავრობის პერიოდში.
ტრავმული მოტეხილობების დროს კორსეტით ფიქსაცია ხელს უწყობს შეხორცებით პროცეს, ინარჩუნებს ხერხემლის მდგრადობას, რაც ამცირებს ოპერაციული ჩარევის რისკებს.
პირველი საუნივერსიტეტო კლინიკის ნეიოქირურგიული განყოფილების ხელმძღვანელი: - ველოდი გახარია