რეკომენდაციები სამუშაო სივრცის შესაქმნელად
თანამედროვე ტექნოლოგიების განვითარებამ გამოიწვია ის, რომ ადამიანების სამუშაო კომპიუტერთან დიდხანს ჯდომას მოითხოვს, რაც სხვადასხვა სახის გართულებას იწვევს. მისი მავნე ზეგავლენა ნებისმიერი ასაკის ადამიანზე მოქმედებს და დროთა განმავლობაში ქმნის როგორც მხედველობის ასევე ხერხემლის, კისრისა და წელის პრობლემებს. კომპიუტერთან მუშაობის დროს გაითვალისწინეთ, რომ მონიტორის ქვედა კიდე ოდნავ წინ გადაწიოთ. სკამი კი, რომელზეც სხედხართ, სასურველია, რომ კომფორტული და რეგულირებადი იყოს. ჯდომის პროცესში უმჯობესია, კისერი და ხერხემალი ერთ დონეზე დააფიქსიროთ, ტერფი კი აუცილებლად უნდა ეხებოდეს იატაკს. ყოველ 20 წუთში გაავარჯიშეთ თვალები:
- გადაიტანეთ მზერა კომპიუტერის მონიტორიდან და თვალის კაკლის მოძრაობით დაასვენეთ მხედველობის ორგანო.
- მუშაობის დროს კისერი და თავი შეინარჩუნეთ სწორ, ნეიტრალურ მდგომარეობაში და მთელი დღის განმავლობაში მოერიდეთ თავის მოხრას და უკან გადაწევას.
იმისთვის, რომ მუშაობის პროცესში თავი აარიდოთ ზედმეტ გართულებებს გაითვალისწინეთ ეს რეკომენდაციები:
- თუ კომპიუტერთან მუშაობა გიწევთ, მონიტორი დააყენეთ თვალების სისწორეზე;
- შეეცადეთ, რომ მუშაობის პროცესში ჯდომის დროს ხერხემალი სწორ მდგომარეობაში შეინარჩუნოთ. ამისთვის აუცილებელია ორთოპედიული ბალიშების გამოყენება. ეს სამედიცინო პროდუქტი დაგეხმარებათ სამუშაო სივრცის სწორად მოწყობაში;
- გააძლიერეთ თქვენი წელის კუნთები. ეს შესაძლებელია ცურვით და ნაკლებად ინტენსიური ვარჯიშებით. გარდა ამისა ამ დროს რეკომენდებულია იოგა, პილატესი და ფეხით სიარული.
ალბათ, გსმენიათ, რომ არსებობს სხეულის სწორი და არასწორი პოზები, ზოგიერთ პოზას ხერხემლის ტკივილის გამოწვევაც შეუძლია. ამიტომ, თუ დიდი ხნის განმავლობაში ერთ მდგომარეობაში ჯდომა გიწევთ მუშაობის დროს, ეცადეთ:
- ჯდომის მანერის ხშირ ცვლილებას;
- სამუშაო სივრცის სხვაგვარად მოწყობას;
- სპეციალური სკამისა თუ სხვა მოწყობილობების გამოყენებას.
გარდა ამისა, აუცილებელია, რომ თქვენი ცხოვრების წესი შეცვალოთ და რეგულარულად მცირე ფიზიკური აქტივობები აკეთოთ. ვარჯიში გააძლიერებს კისრის კუნთებს, რაც დაძაბულობასა და დაჭიმულობას აგარიდებთ თავიდან. შესვენების დროს გააკეთეთ კისრის ვარჯიშები:
- შეაერთეთ ხელები და მოათავსეთ ნიკაპის ქვეშ. დაეყრდენით ნიკაპით 7 წამის განმავლობაში და გაიმეორეთ სამჯერ;
- დახარეთ თავი მარჯვნივ, ეცადეთ ყური მხარზე მიიდოთ. თითო მხარეს ხუთჯერ გაიმეორეთ ეს მოძრაობა.