ტერფის ამოვარდნა – რამდენ ხანში ხდება სრულად გამოჯანმრთელება?

ტერფის ამოვარდნა, ანუ სახსრის დისლოკაცია, შედარებით იშვიათი, თუმცა სერიოზული ტრავმაა. ამ დროს სახსრის შემადგენელი ძვლები ნორმალურ მდებარეობას კარგავს, რაც ხშირად იწვევს ძლიერ ტკივილს, შეშუპებასა და მოძრაობის შეზღუდვას. მნიშვნელოვანია, რომ ამოვარდნილი სახსრის თავისით ჩასმა არ სცადოთ — დისლოკაცია საჭიროებს დროულ სამედიცინო შეფასებას და მკურნალობას. გამოჯანმრთელების პერიოდი ინდივიდუალურია და დამოკიდებულია დაზიანების სიმძიმეზე, სწორ პირველად დახმარებასა და შემდგომ რეაბილიტაციაზე. 

რა იწვევს ტერფის ამოვარდნას?

ტერფის ან კოჭ-ტერფის სახსრის ამოვარდნა, როგორც წესი, ძლიერი ტრავმის შედეგად ვითარდება — მაგალითად, სპორტული დაზიანების, სიმაღლიდან ვარდნის, ავტოსაგზაო შემთხვევის ან ძლიერი დარტყმის დროს. ხშირ შემთხვევაში დისლოკაციას თან ახლავს მოტეხილობაც, რის გამოც ზუსტი დიაგნოზისთვის რენტგენოლოგიური კვლევა განსაკუთრებით მნიშვნელოვანია. ტრავმის შემდეგ შეიძლება გამოვლინდეს:

• ძლიერი ტკივილი და სწრაფად განვითარებული შეშუპება;
• ტერფის ან კოჭის უჩვეულო ფორმა;
• მოძრაობის მკვეთრი შეზღუდვა;
• დაბუჟება, ჩხვლეტა ან თითების ფერის ცვლილება.

თუ ტერფი აშკარად დეფორმირებულია ან ეჭვი გაქვთ ამოვარდნაზე, საჭიროა გადაუდებელი სამედიცინო დახმარება.

როგორ მკურნალობენ ტერფის ამოვარდნას?

მკურნალობის პირველი ეტაპი სახსრის ნორმალურ მდგომარეობაში დაბრუნებაა. შემდეგ ტერფი, როგორც წესი, ფიქსირდება სპეციალური იმობილიზაციის საშუალებით. ექიმმა შესაძლოა რეკომენდაცია გასცეს ყავარჯნის გამოყენებასა და დაზიანებულ ფეხზე დატვირთვის დროებით შეზღუდვაზე. თუ დაზიანებას მოტეხილობა ან მნიშვნელოვანი იოგოვანი დაზიანება ახლავს, შესაძლოა ქირურგიული ჩარევა გახდეს საჭირო. ამიტომ მკურნალობის გეგმა ინდივიდუალურად განისაზღვრება. ტრავმის შემდგომ პერიოდში ექიმის მიერ დანიშნული ორთოპედიული ფიქსატორები შესაძლოა გამოყენებულ იქნეს სახსრის დასაცავად და ზედმეტი მოძრაობის შესაზღუდად, თუმცა კონკრეტული მოდელი და გამოყენების ხანგრძლივობა სპეციალისტმა უნდა განსაზღვროს.

სად უნდა შევიძნოთ ტერფის დაზიანებისთვის საჭირო ორთოპედიული სუპინატორები? 

კომპანია „ახალი ხედვის“ მაღაზიებში ორთოპედიული სუპინატორების ფართო არჩევანია. სამედიცინო ჯგუფი მომხმარებლებს მყარ და სილიკონის სუპინატორებს სთავაზობს, რომლებიც სხვადასხვა პრობლემის დროს გამოიყენება. აღსანიშნავია, ისიც რომ კომპანიაში ხდება ინდივიდუალური სუპინატორების დამზადება.  ტერფის  ბაროპოდომეტრული კვლევისა და   პოდოსკანირების  საფუძველზე შესაძლებელია ამ პროდუქტის  დამზადება ინდივიდუალურად თითოეული პაციენტისთვის, რაც იძლევა მაქსიმალურ შედეგს ბრტყელტერფიანობის და ტერფის სხვა პათოლოგიების  კორექციისა და პროფილაქტიკისათვის. თბილისის გარდა, ამ პროდუქციის შეძენა გორში, ქუთაისსა და ბათუმშია შესაძლებელი. გარდა ამისა, სასურველი პროდუქტის გამოწერა ონლაინ რეჟიმშიც შესაძლებელია. ტერფის დიაგნოსტიკის ჩატარება კი თბილისში, ქუთაისსა და ბათუმში მდებარე “ახალი ხედვის” ფილიალებში შეგიძლიათ.

რამდენ ხანს გრძელდება გამოჯანმრთელება?

ზუსტი ვადა ყველასთვის განსხვავებულია. მარტივი დისლოკაციის შემთხვევაში ფუნქციური აღდგენა შეიძლება რამდენიმე კვირიდან რამდენიმე თვემდე გაგრძელდეს, ხოლო მოტეხილობით ან ოპერაციით გართულებული დაზიანებისას რეაბილიტაციას უფრო მეტი დრო სჭირდება. ზოგადად, დისლოკაციისას დაზიანებული რბილი ქსოვილების შეხორცებას დაახლოებით 6–12 კვირა შეიძლება დასჭირდეს. ზოგიერთი კოჭ-ტერფის დისლოკაციის შემთხვევაში იმობილიზაციის პერიოდი დაახლოებით 4–6 კვირას შეადგენს, რის შემდეგაც იწყება მოძრაობის, კუნთების ძალისა და წონასწორობის აღდგენა. ამიტომ სრულად გამოჯანმრთელება მხოლოდ ტკივილის გაქრობას არ ნიშნავს. მნიშვნელოვანია, რომ აღდგეს:

1. სიარულისა და ყოველდღიური მოძრაობის უსაფრთხო შესრულება;
2. წონასწორობა და დაზიანებული ტერფის კონტროლი.

რეაბილიტაცია გამოჯანმრთელების მნიშვნელოვანი ნაწილია

იმობილიზაციის შემდეგ ტერფის ხანგრძლივი უმოძრაობა შესაძლოა გამოიწვიოს შებოჭილობა და კუნთების სისუსტე. ამიტომ, ექიმის ნებართვის შემდეგ, რეაბილიტაცია ეტაპობრივად უნდა დაიწყოს. პროგრამა შეიძლება მოიცავდეს მოძრაობის აღდგენას, კუნთების გაძლიერებას, წონასწორობის ვარჯიშებსა და საბოლოოდ ყოველდღიურ ან სპორტულ დატვირთვაზე დაბრუნებას. მნიშვნელოვანია, დატვირთვა ეტაპობრივად გაიზარდოს და არ იჩქაროთ სპორტზე ან ინტენსიურ ფიზიკურ აქტივობაზე დაბრუნება. არასათანადო დატვირთვამ შესაძლოა ტკივილი, შეშუპება ან სახსრის არასტაბილურობა გაახანგრძლივოს.