ხერხემლის ფიქსატორები და მათი გამოყენების ინსტრუქციები
ხერხემლის ფიქსატორებს წელსა და ზურგთან დაკავშირებული პრობლემების დროს იყენებენ. უფრო ზუსტად რომ ვთქვათ, ეს პროდუქტი ხერხემალს სწორ მდგომარეობაში აფიქსირებს და წელის ტკივილის შესამცირებლად იდეალურია. ხერხემლის ფიქსატორები ხერხემლის არეში დატვირთვის შემსუბუქებას უწყობს ხელს და კუნთოვანი სისტემის მრავალი დაავადების დროს რეაბილიტაციის მიზნით გამოიყენება. ეს სამედიცინო საშუალება ადამიანებს ყოველდღიურ ცხოვრებაში ძალიან ეხმარება, რადგან სხეულის ამ ნაწილში ტკივილის შემცირებას ეხმარება და ხერხემლის ნორმალური მდგომარეობის აღდგენას უზრუნველყოფს. ხერხემლისთვის სხვადასხვა დანიშნულების მქონე ფიქსატორი არსებობს. ქართულ ბაზარზე ხელმისაწვდომია თანდაყოლილი პათოლოგიების,მალთაშუა დისკის თიაქრის, ზურგის სვეტის დაზიანებების, ოსტეოპოროზისა და რადიკულიტისთვის განკუთვნილი კორსეტები. ეს სამედიცინო საშუალება ერთ-ერთი ყველაზე მოთხოვნადი ორთოპედიული პროდუქტია, მაგრამ იქიდან გამომდინარე, რომ მათი დანიშნულება მრავალმხრივია, გამოყენებამდე აუცილებელია ექიმთან კონსულტაცია მისი სწორად შერჩევისა და გამოყენების მიზნით.
“ახალი ხედვის” ხერხემლის ფიქსატორები
ხერხემლის ფიქსატორების ფართო არჩევანია კომპანია "ახალი ხედვის" მაღაზიებში. სამედიცინო ჯგუფი მომხმარებლებს საერთაშორისო ბაზარზე ცნობილი ექსკლუზიური ბრენდების - მორსასა/MorsaCyberg და ბერგერის/Berger პროდუქციას ხელმისაწვდომ ფასად თბილისის გარდა საქართველოს ოთხ რეგიონში სთავაზობს. მათი ღირებულება 30 ლარიდან 345 ლარამდე მერყეობს და მაღაზიების გარდა, შეძენა ონლაინ მეთოდითაც შესაძლებელია.
MORSA CYBERG თურქული ორთოპედიული პროდუქციის მწარმოებელი ლიდერი კომპანიაა, რომელიც თავის ნაწარმს აწვდის მსოფლიოს 40-ზე მეტ ქვეყანას, მათ შორის საქართველოს,სადაც კომპანია „ახალი ხედვის“ ექსკლუზიური პარტნიორია.
სამედიცინო ჯგუფის მაღაზიათა ქსელში ხელმისაწვდომია სხვადასხვა სიგრძის,სტრუქტურის,ქსოვილისა და სამედიცინო დანიშნულების ხერხემლის ფიქსატორები.ისინი ძირითადად ჰაერგამტარი ნეოპრინის ან ელასტიური ბამბის ქსოვილისგან არის დამზადებული.ამ ორთოპედიულ პროდუქტებს აქვთ სპეციალური დამატებითი ჩანართებიცა და ღვედებიც,სრულფასოვანი სტაბილიზაციისა და ფიქსაციის უზრუნვლეყოფის მიზნით.ხერხემლის კორსეტები და წელის ქამრები გამოიყენება როგორც პროფილაქტიკის,ასევე მკურნალობისა და რეაბილიტაციის პროცესში.
როგორ შევარჩიოთ ხერხემლის ფიქსატორი?
ხერხემლის ფიქსატორებს ადამიანები სხვადასხვა პრობლემის გამო ატარებენ. მაგალითად, ხერხემლის, ე.წ გულმკედრ-წელის კორსეტი - ხერხემლის მთლიან სვეტს იცავს და სწორ მდგომარეობაში აფიქსირებს, შესაბამისად მრავლობითი მოტეხილობის, კიფოზის, რთული სქოლიოზის ან მრავლობითი თიაქრის არსებობის შემთხვევაში ამ ქამრის ტარებაა რეკომენდებული. წელისა და ზურგის მწვავე ტკივილს ამსუბუქებს წელის სტანდარტული კორსეტი, რომელიც დამზადებულია ანტიალერგიული ქსოვილისაგან და პლასტმასის ჩანართები აქვს. ჰიპერექსტენზიის კორსეტი - ახდენს ხერხემლის სვეტის სტაბილიზაციას მალების კომპრესიული მოტეხილობების დროს. მისი წინა მხარე შედგება ალუმინისაგან, ხოლო უკანა მხარე ლამინირებული პლასტაზოტისაგან. რაც შეეხება, ოსტეოართრიტს, ოსტეოპოროზს, სქოლიოზსა და ხერხემლის კუნთების დაჭიმულობას, ამ დროს ზურგის კორსეტია ეფექტური, ის ბამბის ელასტიური ქსოვილისგან არის დამზადებული და მისი ტარება მარტივად ტანსაცმლის ქვეშაც შესაძლებელია.
ხერხემლის ფიქსატორის შეძენისას აუცილებლად შეარჩიეთ ზუსტი ზომა,რათა პროდუქტის გამოყენების პროცესი თქვენთვის მაქსიმალურად კომფორტული იყოს. სხვა დანარჩენი რეკომენდაციისთვის მიმართეთ ექიმს და მიჰყევით მის მითითებებს.