721 - მკერდის სილიკონი პროთეზი
218.30¢მაღალი ხარისხის სილიკონის მკერდის პროთეზი.
რისთვის გამოიყენება სილიკონის პროთეზი?
სტატისტიკურად მსოფლიოში ყოველ მეცხრე ქალს სარძევე ჯირკვლის სიმსივნე აქვს. მკურნალობის მეთოდი ხშირად მასტექტომია, ანუ მკერდის მოკვეთაა. ოპერაციის შემდგომ ზოგიერთ ქალს არასრულფასოვნების კომპლექსი უჩნდება. თუმცა, საბედნიეროდ, თანამედროვე სამყაროში არსებობს სილიკონის პროთეზები, რომელიც გარე გამოყენებისთვისაა განკუთვნილი, მასტექტომიის და მკერდზე ჩატარებული სხვა ოპერაციების შემდგომ. ის ხელს უწყობს სხეულის ბალანსის შენარჩუნებას, გულ-მკერდს ფიზიკური დაზიანებისგან იცავს და ხელს უშლის პოსტოპერაციული სქოლიოზის განვითარებას. რბილი და ელასტიკური პროთეზები სხეულს იდეალურად ეკვრის, ტემპერატურას აბალანსებს და ბუნებრივი მკერდისგან თითქმის არ განსხვავდება.
მკერდის სილიკონის პროთეზის ხარისხი
სამედიცინო ჯგუფი “ახალი ხედვა” გთავაზობთ უმაღლესი ხარისხის სილიკონის პროთეზს, რომელიც ძალიან რბილია და ფორმას არ კარგავს. ის იერით ნამდვილ მკერდს ჰგავს და ძალიან კომფორტულია. ზომების ფართო სპექტრი აქვს, 65-დან 130სმ-მდე. ადვილად ირეცხება თბილი წყლის და საპნის საშუალებით. გარეცხვის შემდეგ გაამშრალეთ რბილი პირსახოცით.
რა უნდა გავითვალისწინოთ მკერდის სილიკონის პროთეზის შეძენისას?
მკერდის სილიკონის პროთეზის შეძენისას აუცილებლად გაითვალისწინეთ ზომა. ძალიან მნიშვნელოვანია ხარისხიც, რადგან 100%-ით სილიკონის მასალისგან უნდა იყოს დამზადებული და ფორმას მარტივად არ უნდა კარგავდეს. გისურვებთ საკუთარ სხეულთან ჰარმონიას!