ორთოპედიული ბალიშების მრავალფეროვანი არჩევანი
ორთოპედიული ბალიშები თავს, კისერსა და ხერხემალს სწორ მდგომარეობაში აფიქსირებს, რაც მთელ ტანს კუნთების მოდუნებაში ეხმარება. ამიტომ მისი ხშირი გამოყენება ადამიანების ყოველდღიურობას ბევრად აუმჯობესებს - ჯდომის, წოლისა თუ მგზავრობის პროცესში. ორთოპედიული ბალიშების ფუნქცია და დანიშნულება მრავალმხრივია. ორთოპედიული ბალიში ჯანმრთელობის სხვადასხვა პრობლემის დროს შეგვიძლია გამოვიყენოთ, იქნება ეს რაიმე სახის პათოლოგია თუ უბრალოდ ძილის დარღვევა. მაგალითად, მშვიდი და სასიამოვნო მგზავრობისთვის სამგზავრო ბალიში არსებობს. მისი განსაკუთრებული ფორმა უზრუნველყოფს თავისა და კისრის მიდამოს ფიქსაციას. თუ დიდი ხნის განმავლობაში ჯდომა გიწევთ და კუდუსუნის არეში ტკივილს ხშირად გრძნობთ, ამ შემთხვევაში რეკომენდებულია სავარძლის ბალიშის შეძენა. არსებობს ასევე ზურგის ბალიში, რომელიც წელს ანატომიურ მდგომარეობაში აფიქსირებს, იგი დამზადებულია პოლიურეთანის ქაფისგან. ეს პროდუქტი იდეალურია იმ ადამიანებისთვის, რომლებსაც ოფისში მუშაობა და ძირითადად ჯდომა უწევთ.
განვიხილოთ, რამდენიმე მათგანი:
● ზურგის ბალიში - აფიქსირებს წელს ანატომიურ მდგომარეობაში. დამზადებულია პოლიურეთანის ქაფისგან. იდეალურია იმ ადამიანებისთვის, რომლებსაც ოფისში მუშაობა და ძირითადად ჯდომა უწევთ.
● დასაჯდომი ბალიში - რეკომენდებულია იმ ადამიანებისთვის, ვისაც დიდხანს ჯდომა უწევთ და კუდუსუნის არეში ტკივილი აწუხებთ. ის აუმჯობესებს მცირე მენჯში სისხლის მიმოქცევას, აფერხებს სწორი ნაწლავის ვენებში სისხლის შეგუბებასა და ბუასილის პროგრესირებას.
● კისრის ბალიში - გამოიყენება ოსტეოქონდროზის, ცერვიკალური კიფოზის, მალთაშუა დისკის თიაქრისა და ხერხემლის სხვა პრობლემების დროს. კისრის ორთოპედიული ბალიშები ეფექტურია იმ ადამიანებისთვისაც, რომლებსაც აქვს დარღვეული ძილის რეჟიმი.
ორთოპედიული ბალიშის გამოყენება რეკომენდებულია იმ ადამიანებისთვის, ვისაც კისრისა თუ წელის არეში დაჭიმულობის შეგრძნება და ძილის პრობლემები აწუხებთ. ასევე, მათთვის ვისაც ხშირად უწევთ მგზავრობა ან ერთ ადგილზე დიდხანს ჯდომა. კომპანია „ ახალი ხედვა“ მომხმარებლებს ცნობილი თურქული ბრენდების ორთოპედიულ ბალიშებს სთავაზობს. მორსა/MorsaCyberg - თურქული ორთოპედიული პროდუქციის მწარმოებელი ლიდერი კომპანიაა, რომელიც თავის ნაწარმს მსოფლიოს 40-ზე მეტ ქვეყანას აწვდის. Morsa Orthopedics მომხმარებელს სთავაზობს 200-ზე მეტ პროდუქტს,კომპანია საქართველოში „ახალი ხედვის“ ექსკლუზიური პარტნიორია. „ახალი ხედვის“ მაღაზიებში წარმოდგენილი სხვადასხვა დანიშნულების მქონე ორთოპედიული ბალიშები ლატექსის მასალისგანაა დამზადებული და გარედან მას ანტი-ალერგიული ქსოვილი აკრავს.